Воената разузнавачка служба на Литванија денеска објави извештај во кој проценува дека Русија има доволно ресурси за уште две години војна во Украина.
„Русија акумулира оружје и воена опрема долго време, од годините на Студената војна. Проценуваме дека нејзините ресурси би можеле да траат уште две години и дека во тој период би можела да води војна со ист интензитет како денес, изјави за новинарите шефот на воената разузнавачка служба, Елегиус Паулавициус, пренесе АФП.
Тој додаде дека оваа проценка имплицира дека ниту една друга странска земја нема да обезбеди дополнителна воена помош за Русија,пренесе Индекс.хр.
