Кошаркарите на Њујорк Никс, по две продолженија, славеа победа во дуелот со Бостон Селтикс. Емануел Квикли го одигра најдобриот натпревар во кариерата и го предводеше својот тим до победата во Бостон 131:129.
Квикли одигра 55 минути, постигна 38 поени, го следеа Џулиус Рендл со 31 поен и 9 скокови и Ар Џеј Барет со 29 поени и 11 скока.
Кај Селтикс се истакнаа Џејсон Тејтум со 40 поени, 11 скока и 6 асистенции, односно Џејлен Браун со 29 и Ал Хорфорд со 20 поени и 14 скока.
Лос Анџелес Клиперс ја прекина серијата од пет последователни порази откако на свој паркет го совлада Мемфис со 135:129. Дабал-дабл забележаа најдобрите играчи на Клиперс: Пол Џорџ и Каваи Ленард.
Џорџ беше најдобар во победничкиот тим со 42 поени и 11 скока, Ленард мечот го заврши со 34 поени и 10 скока.
Ова е прва победа за Клиперс со Расел Вестбрук во тимот. Рас имаше скромен учинок од 9 поени, 6 асистенции и 5 скока.
Поради суспензии кај Мемфис ги немаше Џа Морент и Дилон Брукс, најефикасен беше Дезмонд Бејн со 30 поени.
Резултати:
Далас – Феникс 126:130
Чикаго – Индијана 122:125
ЛА Лејкерс – Голден Стејт 113:105
Бруклин – Шарлот 102:86
Орландо – Портланд 119:122
Хјустон – Сан Антонио 142:110
Оклахома – Јута 129:119
Бостон – Њујорк 129:131 пр.
Вашингтон – Милвоки 111:117
ЛА Клиперс – Мемфис 135:129
