Кошаркарите на Милвоки го победија тимот на Вашингтон со 117:111 и со тоа го задржаа првото место во Источната конференција и воопшто во НБА лигата.
Јанис Адетокумбо ги предводеше Бакс до 46.победа сезонава, односно до 17. победа на последните 17 натпревари. Гркот забела трипл-дабл со 23 поени, 13 асистенции и 10 скока. Ова беше четврти трипл-дабл за Адетокумбо од почетокот на сезоната.
Тој стигна до трипл-дабл откако забележа скок откако намерно промаши шут, на секунда пред крајот на натпреварот.
Откако забележа скок во одбраната, го започна последниот напад, но бидејќи мечот веќе беше решен сите застанаа. Застана и Јанис, но во последните секунди сепак стигна до кошот на Визардс, намерно промаши и ја фати топката за десеттиот скок на мечот.
