Руските медиуми јавуваат дека украинските сили влегле на руска територија во областа Брјанск, која на север граничи со Украина. ТАСС пренесува дека „според последните информации влегле во две села“ и дека борбите се водат.
Државната новинска агенција РИА Новости објави дека портпаролот на Кремљ Дмитриј Песков на дневен брифинг за медиумите изјавил дека рускиот претседател Владимир Путин го откажал планираното патување во Ставропол „поради ситуацијата во регионот Брјанск“. Песков рече дека инцидентот е „терористички напад“.
Владимир Путин денеска ќе свика итен состанок на рускиот Совет за безбедност, изјави руски пратеник, откако Русија објави дека „група украински диверзанти се инфилтрирале во пограничниот регион Брајанск“.
Тврдењата не се независно потврдени. Украина веќе подолго време предупредува дека Кремљ планира да спроведе операции со лажни знамиња со цел да ја обвини Украина за ескалација на конфликтот.
