Вчера завршија квалификациите за пласман на Светското првенство во кошарка. Мундобаскетот во Јапонија, Индонезија и Филипини ќе се одржи од 25.август до 10.септември. Извлекувањето на групите ќе се одржи во Смарт Аранета Колосеум во Кезон сити, на Филипините, на 29.април.
Системот на натпреварување ќе биде таков што прво ќе бидат извлечени осум групи со по четири екипи, а двете најдобри од секоја група ќе продолжат во понатаму. Во вториот круг ќе има четири групи, од кои по две ќе се пласираат во четвртфиналето.
На СП ќе учествуваат 12 европски, седум американски, 8 азиски (вклучувајќи ги Австралија и Нов Зеланд) и 5 африкански селекции.
Европа: Грција, Латвија, Финска, Германија, Словенија, Литванија, Франција, Шпанија, Италија, Грузија, Црна Гора, Србија
Америка: Канада, САД, Доминиканска Република, Порторико, Бразил, Венецуела, Мексико
Азија: Австралија, Кина, Јапонија, Иран, Либан, Нов Зеланд, Филипини, Јордан
Африка: Брегот на Слоновата Коска, Ангола, Јужен Судан, Египет, Зеленортски острови
