СДС со својата катастрофална економска политика донесе енормна сиромаштија и рекордна инфлација. Поскапувањето на трошоците за живот ги изедоа платите и ја намалија куповната моќ на граѓаните. Потрошувачката кошница дојде блиску до 52 илјади денари, што е резултат на инфлацијата, која кај нас е речиси 20 %, а на прехранбените производи што граѓаните секој ден ги купуваат инфлацијата изнесува над 30 %, се вели во соопштението од ВМРО-ДПМНЕ.
Од партијата наведуваат дека според ваквите податоци, реалната плата, наместо да расте, таа се намалува. Она што граѓаните лани можеле да го купат со една плата, сега не може. Тоа е реалната вредност на платите со која се фали СДС. Секое семејство не може со платите да се прехрани, а не да си овозможи да си купи нешто надвор од основната потрошувачка кошница.
Како што велат од ВМРО-ДПМНЕ, на розовите лаги на СДС веќе ни членовите на партијата не им веруваат затоа што по својот џеб може да проценат дека со оваа власт предводена од Ковачевски живеат сè полошо и полошо. Наместо подобар стандард, СДС донесе инфлаторна спирала, која е меѓу најголемите во Европа.
За ова да престане, оваа корумпирана и неспособна власт предводена од Ковачевски треба да си замине, се вели во соопштението.
