Премиерот Димитар Ковачевски во речиси 400 дена од кога е премиер во Владата замижува на криминалот и корупцијата, а во исто време зборува за европски вредности, истакна пратеничката од редовите на ВМРО-ДПМНЕ, Рашела Мизрахи на денешната собраниска седница.
„Ковачевски е премиер кој беше именуван како премиер на западна Бугарија и се насмевна. Тој се’ уште дискутира дали Љубомир Јовески да биде член на Уставниот суд, замижува на криминалот и корупција, а во меѓувреме зборува за европски вредности, додека едните стануваат анти-европски како партијата „Алтернатива“, а партијата „Алијанса на Албанците“ одеднаш станува многу проевропска. Се заглавивме во систем во кој нема да има уставни измени, значи ништо од европската иднина, може само да се очекува дека мнозинството ќе се свести и да се оди на предвремени парламентарни избори“, рече таа.
Посочи дека откако Ковачевски беше назначен на функција, сведоци сме на неколу катастрофи кои немале разрешница, како трагедијата со „Беса транс“ и пожарот во модуларната болница во Тетово.
