Холивудските ѕвезди присуствуваа на доделувањето на филмските награди на Британската академија за филмски уметности (БАФТА) во лондонскиот Royal Festival Hall во неделата вечерта.
Британските медиуми објавија неколку највпечатливи изданија на ѕвездите, кои се фотографираа на црвениот тепих пред да почне церемонијата.
Актерката Лили Џејмс, која врачи награда, ги сврте погледите на себе во фустан на Тамара Ралф со бисерно и кристално структурирано длабоко деколте.
Вајола Дејвис, ѕвездата на The Woman King („Жената крал“), беше номинирана за најдобра главна актерка.
Ѕвездата на „Тар“, Кејт Бланшет, и Остин Батлер од „Елвис“ добија награда за најдобра главна актерка и актер.
Мишел Јео беше номинирана за улогата во „Сè секаде одеднаш“ (Everything Everywhere All At Once).
Наоми Аки, која беше номинирана во категоријата ѕвезда во подем, ја глуми Витни Хјустон во биографскиот филм „Сакам да танцувам со некој“ (I Wanna Dance With Somebody).
Флоренс Пју беше номинирана во категоријата извонреден британски филм за „Чудото“ (The Wonder).
