Во рускиот град Норилск избувна пожар во хотел од кој се спасени речиси 40 лица, а вкупно околу 100 лица се евакуирани, соопшти Министерството за вонредни ситуации.
Пожарот избувнал на петтиот кат од зградата на хотелот, пренесува ТАСС.
Како што е прецизирано, пожарот се проширил на 30 метри квадратни, а пожарникарите спасиле 38 лица.
Министерството соопшти дека со пожарот се борат 25 пожарникари со пет возила.
