Бројот на жртвите во Турција од час во час се зголемува и надмина 40.000 лица. Неколку илјади луѓе загинаа и во соседна Сирија. Меѓутоа, во морето на страшни вести, се наоѓа и некоја што ги топли срцата, како оваа.
Четиригодишното девојче Гада Ајан и нејзиниот татко Ахмет повтотно се сретнаа откако со денови беа заробени во урнатините. Гада била спасена и пренесена во болница.
„Кога почна да се тресе, ја грабнав ќерка ми и целото семејство почна да бега. Куќата се урна врз сите нас“, рече Ахмет во интервју за Си-Ен-Ен Турк. За жал, неговата сопруга и седумгодишниот син не успеале да се спасат.
Ахмет го слушал плачот на синот додека бил заглавен. Гада лежела на ногата на Ахмет и двајцата биле заробени. На четвртиот ден под урнатините, Ахмет изгубил секаква надеж, но малата Гада не му дозволила да се откаже.
„Постојано ми велеше да престанам да плачам и да ја погледнам светлината што се пробива. Тоа ме одржуваше во живот“, рекол Ахмет. Гада поминала со гребнатинка, додека половина час подоцна спасувачите успеале да го ископаат и Ахмет.
„Тоа е моето девојче. Таа е мојот херој“, заклучил таткото на четиригодишната Гада, која заедно со него ќе мора да ја преброди загубата на сопругата и синот.
