По повод верскиот празник Задушница полицијата денес презеде мерки за посебен режим на сообраќај во Скопје.
„Имено, од 6 часот утрово сообраќајот се одвива во една насока (кружно), односно, сите возила се упатуваат по улицата „Бутелска“, лево по улицата „Александар Урдаревски“, лево по улицата „Боца Иванова“ и десно до влезот на гробишта Бутел, а за излез од гробишта, десно по„Боца Иванова“, до кружниот тек на улицата „Бутелска“, па лево по „Бутелска“ и десно по „Кемал Сејфула“, велат од МВР.
Полицијата апелира до граѓаните да ги почитуваат наредбите што ги издаваат полициските службеници по сообраќајниците опфатени со посебниот режим на сообраќај.
