Македонскиот фудбалски прволигаш Академија Пандев официјално има нов сопственик. Италијанско-американската компанија „Брера Холдингс“, која пред една недела излезе на најголемата светска берза во Њујорк, го потврди преземањето на клубот од Струмица, кој досега беше во стопроцентна сопственост на Горан Пандев.
„Компанијата „Брера Холдингс“ ја продолжува својата имплементација на стратегијата која ќе форсира за ширење и промоција на брендот Брера во Источна Европа. Со купувањето на Академија Пандев и ребрендирањето во Брера, планот е да се зголеми тимскиот напредок“, изјави извршниот директор на Брера, Серџо Скалпели.
Академија Пандев во вториот дел од сезоната ќе се бори за опстанок во елитата. Првата фудбалска лига на Македонија продолжува претстојниот викенд.
