Славниот режисер Стивен Спилберг не се кае што ја одбил понудата да го режира првиот филм за Хари Потер во 2001 година, бидејќи тоа му овозможило да ги гледа своите деца како растат.
Во разговор за „Рилајанс ентертеинмент“ со колегата режисер С. Раџамули, тој рече: „Жртвував голем серијал за да бидам со моето семејство.“
На 76-годишниот режисер му била понудена можност да застане на кормилото на „Хари Потер и каменот на мудроста“, првиот филм од серијалот за сирачето-волшебник базиран на романите на Џ. К. Роулинг, но објасни дека го отфрлил филмот бидејќи сакал да поминува време со своето семејство, а не на филмски сет.
„Личното значење за тоа како конфликтот помеѓу уметноста и семејството ќе ве преполови, ми се случи подоцна, откако веќе се етаблирав како филмски режисер, како работен режисер,“ Спилберг, кој има седум деца – со поранешната сопруга Ејми Ирвинг и неговата сегашна сопруга Кејт Капшоу.
„Кејт и јас почнавме да создаваме семејство и добивме деца. Изборот што требаше да го направам за да добијам работа што ќе ме пресели во друга земја, каде четири од пет месеци немаше да го гледам моето семејство секој ден“.
Спилберг објасни дека „Хари Потер“ е само еден од неколкуте проекти што ги одбил поради семејни причини.
Режисерот на „Индијана Џонс“ додаде: „Имаше неколку филмови кои избрав да не ги снимам. Избрав да го одбијам првиот „Хари Потер“ за да ја поминам следната година и половина со моето семејство, со моите мали деца кои тогаш растеа.
