По речиси две години потрага по куќа, Џенифер Лопез и Бен Афлек конечно го избраа местото што ќе го наречат свој дом.
Џенифер и Бен, наводно, склучиле договор за куќа во Пацифик Палисадес вредна 34.5 милиони долари, дознава „ТМЗ“.
Нивниот потенцијален нов дом, сместен во престижниот „Рустик кањон“, има седум спални соби, 13 бањи, сончева трпезарија со огромен камин, модерен бар, џакузи, кујна на отворено, гаража за шест автомобили, базен и одвоена гостинска куќа.
Покрај винарска визба, домашна сала за вежбање и спа-центар, примарниот апартман може да се пофали со приватен балкон, двојни бањи и плакари.
Во текот на викендот, двојката беше забележана како ја разгледува куќата заедно со неговата 14-годишна ќерка Серафин и неговата мајка Крис, како и близнаците на Лопез, Еме и Максимилијан (14).
Веста доаѓа по опсежната потрага, која вклучуваше разгледување на десетици куќи во различни населби во Лос Анџелес, од Беверли Хилс до Хиден Хилс. Тие всушност почнаа да бараат куќа уште пред да се венчаат.
