Американската актерка Анџелина Џоли ги повика своите следбеници на Инстаграм да им помогнат на Турција и Сирија, кои во понеделникот беа погодени од разорниот земјотрес.
„Моето срце е со народот на Сирија и Турција. Тешко е да се замисли неверојатната болка и страдање низ кои сега поминуваат многу семејства“, напишала Џоли, пренесува Анадолија.
Холивудската ѕвезда напиша дека ја дала донацијата и изрази надеж дека „другите ќе размислат за донирање“ за да им помогнат на спасувачките тимови да продолжат со својата работа.
Таа сподели слики од областа погодена од земјотресот и линк за донирање.
На крајот на минатата година, Џоли ја напушти функцијата специјален пратеник на Високиот комесаријат за бегалци на Обединетите нации (УНХЦР), која ја извршуваше неколку години, пренесе Танјуг.
View this post on Instagram
