Фудбалската легенда, а сега претседател на Црногорската фудбалска федерација, Дејан Савичевиќ смета дека Хрватска со многу среќа стигнала до третото место на Светското првенство во Катар минатата година.
Хрватска успеа да го елиминира Бразил на пенали, за на крајот во полуфиналето да загуби од Аргентина и во мечт за третото место да го совлада Мароко.
„Еден од играчите ме праша што мислам за тоа дека Хрватска во три меча со два шута и два гола за малку ќе стигнеше до финалето. Во Катар со добар среден ред и одбрана им недостасуваше вистински напаѓач како Марио Манџукиќ. Тоа ми го призна и Звонимир Бобан пред шампионатот. Петковиќ и Ливаја не се фудбалери за да направат разлика на атеренот. Исто така им фалеше крилен играч како Ребиќ од Милан и тука беа најголемите проблеми. Имаа многу среќа, но, секако, успехот никој не може да им го одземе. На мечот со Мароко заслужено победија и покажаа дека се во врвот на светскиот фудбал. Србија од друга страна немаше среќа и беше во вистински хаос. Ме изненадува како некои не можеа да играат против Камерун. Хрватска за разлика од другите земји од регионот, има култ на репрезентацијата и затоа е успешна“, вели Савичевиќ.
