Челси на почетокот на ерата на Тод Боли потроши нешто повеќе од 600 милиони евра на нови фудбалери. Во зимскиот преоден рок, клубот потроши околу 350 милиони евра на трансферите на Енцо Фернандез, Михајло Мудрик, Беноа Бадијашил, Мало Густо, Андреј Сантос, Давид Датро Фофана, Жоао Феликс и Нони Мадуеке, а по завршувањето на сезоната во клубот ќе пристигне и Кристијан Нкунку од лајпциг за кого клубот плати 60 милиони евра.
Од овие засилувања, менаџерот Греам Потер, во Лигата на шампионите ќе може да ги користи Фернадез, Мудрик и Феликс, додека во Премиер лигата ќе може да смета на сите играчи.
Челси во претходните два преодни рокови купуваше играчи, што значи дека наредното лето ќе мора да продава.
Според „Дејли мејл“, листата е составена и на неа е цел еден тим. изненадувачки на листата е и Калуду Кулибали кој минатото лето пристигна на „Стенфорд Бриџ“.
Покраг Сенегалецот следната сезона во Челси нема да бидат: Хаким Зијеш, Матео Ковачиќ, Кристијан Пулишиќ, Калум Хадсон-Одои, Ромелу Лукаку кој е позајмен во Интер и Пјер-Емерик Обамејанг.
Со исклучок на Хадсон-Одои кој потекнува од школата на Челси, за трансферите на останатите клубот има издвоено 300 милиони евра.
Покрај набројаните играчи веројатно клубот ќе го напуштат Нголо Канте чии договор истекува по завршувањето на сезоната и Мејсон Маунт, кој е врзан за Челси до јуни 2024 година, но не е задоволен од условите што му ги понуду клубот за да го продолжи договорот.
