Леандро Тросар е блиску до трансфер во Арсенал, пишуваат медиумите на Островот. Откако ја загуби трката за Михаило Мудрик, кој замина во Челси, Арсенал се сврте кон напаѓачот на белгиската репрезентација и Брајтон.
„Ми кажаа дека преговорите се во напредна фаза и трансферот би можел да биде завршен во следните неколку часа. Се договорија за личните услови, Тросар ќе добие долгорочен договор“, напиша Фабрицио Романо, еден од највлијателните новинари за фудбалски трансфери.
Тросар оваа сезона постигна седум гола и додаде три асистенции на 17 натпревари за Брајтон. Тој не е во добри односи со менаџерот на Брајтон, Роберто де Зерби и побара да биде продаден.
