Бремената оскаровка Хилари Свонк се појави на црвениот тепих на „Златните глобуси“ во вторникот вечерта.
Во ексклузивна изјава за „Пејџ сикс“, Хилари (48) информира за својот напредок додека се подготвува да ги пречека близнаците за три месеци.
„Се чувствувам прекрасно, благодарам!“, рече актерката додека чекореше на црвениот тепих на 80. церемонија на доделувањето „Златни глобуси“ заедно со својот сопруг Филип Шнајдер со кого е во брак четири години.
Четирикратната добитничка на „Златен глобус“ на себе има зелен фустан до подот, со црна машна на рамената. Изгледот го комплетира со гламурозно подигната фризура и соодветни смарагдни обетки.
Двојката се бакнува на црвениот тепих додека таа го потпира стомакот со раката.
Свонк уште во октомври возбудено сподели дека првпат ќе стане мајка. „Ова е нешто што го посакував долго време. Мојата следна работа е да станам мајка“, рече таа во емисијата „Добро утро, Америка“.
„Не едно, туку две“.
