Иран можеби придонесува за воените злосторства во Украина со испорака на дронови на Русија, изјави советникот за национална безбедност на Белата куќа, Џејк Саливан.
„Нивните оружја се користат за убивање цивили во Украина и се обидуваат да донесат студ и темнина во градовите. Тоа, од наша гледна точка, го става Иран во позиција каде што потенцијално може да придонесе за широко распространети воени злосторства“, им рече Саливан на новинарите.
На почетокот на овој месец, САД воведоа санкции за шест директори и членови на одборот на ирански производител на беспилотни летала, откако компанијата, наводно, ја снабдувала Москва со дронови користени од руските сили за напад на Украина.
