Претпладне по котлините појава на магла или ниска облачност. Во текот на денот ќе дува слаб до умерен северозападен ветер, кој ќе предизвика во повеќето котлини условите за магла да се намалат, така што ќе преовладува сончево време со мала до умерена облачност.
Минималната температура ќе биде во интервал од -4 до 4, а максималната ќе достигне од 6 до 16 степени, соопшти Управата за хидрометеоролошки работи.
Во Скопје претпладне со појава на магла или ниска облачност, која во текот на денот ќе се намали и ќе преовладува сончево време со мала до умерена облачност. Ќе дува слаб до умерен ветер од северен правец. Минималната температура ќе се спушти до 1, а максималната ќе достигне 10 степени.
До недела ќе се задржи стабилно време, по котлините и понатаму ќе има појава на магла и ниска облачност со променлив интензитет. Во понеделник претпладне сеуште ќе има појава на магла. Кон крајот на денот и во вторник ќе преовладува облачно време со повремени врнежи од дожд, а на планините од снег и ќе дува умерен до засилен ветер од јужен правец.
