Сопругата на актерот Брус Вилис, Ема Хеминг Вилис, на својот „Инстаграм“ објави видео од моментот кога се вљубила во него. Ема Вилис се огласи на социјалната мрежа и со фотографија на која се гледа како таа и Брус уживаат во зимските радости.
„Тоа беше зима пред 15 години, тогаш се вљубив во Брус од глава до петици. Тој е љубовта на мојот живот”, напиша Ема покрај видеото.
Ема и Брус се венчаа во март 2009 година по неколку години врска, а имаат две ќерки, Мејбел (10) и Евелин (8).
Брус има ќерки – Талула, Скаут и Румер – со поранешната сопруга Деми Мур и сите се во многу добри односи, особено во изминатите месеци, откако Брус се повлече од актерството поради афазија.
Семејството на Вилис кон крајот на март потврди дека му била дијагностицирана афазија, разорна состојба на мозокот што може да доведе до губење на способноста за разбирање и изразување. Вилис целосно се повлече од јавниот живот, а од неговото пензионирање речиси и да нема информации за неговото здравје. Она што се знае е дека деновите ги поминува со целото големо семејство, вклучително и Деми Мур и децата од претходниот брак.
