Ким Кардашијан низ солзи призна дека заедничкото родителство со Канје Вест е премногу тешко.
Ким – која со својот поранешен сопруг ги има Норт (9), Сент (7), Чикаго (4) и Псалм (3) проговори за тоа како се обидува да ги подига четирите деца со 45-годишниот рапер.
Појавувајќи се на поткастот IRL на Енџи Мартинез, таа рече: „Тешко е. Заедничко родителство, навистина е проклето тешко“.
Реалити ѕвездата и основачка на „Скимс“ (42) призна дека речиси еден месец по финализирањето на нивниот развод, таа го штити своето семејство со тоа што не им кажува на своите деца за работите што се случуваат во надворешниот свет.
„Дефинитивно го заштитив и сè уште ќе го заштитувам во очите на моите деца, за моите деца,“ додаде таа, алудирајќи на поранешниот сопруг
„Значи, во мојот дом, моите деца не знаат ништо што се случува во надворешниот свет.“
„Тоа се тешки работи, грозни работи за возрасни, а тие не се подготвени да се справат со тоа. Кога ќе бидат, ќе ги правиме тие разговори.“
„Еден ден, моите деца ќе ми се заблагодарат што не седев овде да го напаѓам нивниот татко. А можев.“
