Бред Пит официјално е во врска со Инес Де Рамон шест години откако се раздели со поранешната сопруга Анџелина Џоли, објавија американски таблоиди, цитирајќи анонимен извор.
Инсајдерот потврди за „Ју-ес викли“ дека холивудскиот миленик и поранешната сопруга на актерот Пол Весли се во рана фаза на романса.
„Бред и Инес официјално се пар“, рече инсајдерот, и додаде: тие уживаат во меѓусебното друштво и одлично се забавуваат во раните фази на врската.
Но, тие сè уште се запознаваат“, додаде изворот.
Пит и Рамон првпат ги поттикнаа шпекулациите откако беа забележани заедно на настан во Лос Анџелес минатиот месец. Минатиот викенд беа фотографирани прегрнати на роденденската забава на Пит.
