Лидерката на Претставничкиот дом, Ненси Пелоси, објави писмена изјава во која ги охрабрува парламентарците да бидат физички присутни вечерва на седница „специјално посветена на демократијата“, каде што украинскиот претседател Володимир Зеленски, кој во моментов патува за САД, ќе им се обрати на парламентарците.
„Украинските борци за слобода, соочени со ужасните злосторства на Владимир Путин, го инспирираа светот со својата железна волја и нескротливиот дух. Тие се борат против бруталната и неоправдана инвазија на Русија“, рече Пелоси.
„Претседателот Зеленски е храбар и неуморен патриот, кој го водеше не само својот народ, туку и светот во борбата за слобода. Со нетрпение очекуваме да ја слушнеме неговата инспиративна порака за единство, издржливост и решителност“, се вели во изјавата на Ненси Пелоси.
