Министерот за одбрана, Милош Вучевиќ денеска оцени дека изјавата на Албин Курти, дека отстранувањето на барикадите не може да ги исклучи жртвите, е општа закана за Србија и народот на Косово и јасна порака дека тој не се грижи за човечки жртви.
Вучевиќ за РТС изјави дека Курти во својата изјава рекол дека не го интересираат човечки животи за да се отстранат барикадите и додаде дека таквата изјава е опасна бидејќи покажува дека Курти не се откажува од теророт врз Србите, насилството и постигнувањето крајната цел – Србите да ги напуштат своите огништа.
„Курти сака да прикаже дека само тие бариери се проблем, се друго е идеално, па кога ќе го отстранат, без разлика колку луѓе треба да страдаат од двете страни, после тоа се ќе биде идеално“ – рече Вучевиќ.
