Телевизискиот писател и продуцент Рајан Марфи, творец на многу хитови, од Glee до 9-1-1 и American Horror Story, ќе добие награда за животно дело на доделувањето на „Златните глобуси“ во Холивуд следниот месец.
Појавата на Марфи ќе додаде уште едно големо име на наградната церемонија закажана за 10 јануари, додека организаторите се обидуваат да закрепнат од скандалот за недостиг на диверзитет и етика.
Здружението на странските новинари акредитирани во Холивуд (HVPA), група што гласа за добитници на престижните телевизиски награди „Златни глобуси“, соопшти дека ќе го прослави придонесот на Марфи за телевизијата со наградата „Керол Барнет“, која се доделува четврти пат.
Претходно почестени со ова признание се Керол Барнет, Елен Деџенерис и Норман Лир.
