ФИФА го одби барањето на украинскиот претседател Володимир Зеленски да испрати порака до гледачите за важноста на мирот во светот в недела пред почетокот на финалето на Светското првенство.
Неименуван извор изјави за Си-ен-ен дека канцеларијата на Зеленски ѝ понудила на ФИФА украинскиот претседател да им се обрати на навивачите во Катар преку видеоврска, но дека предлогот бил одбиен.
Засега не се знае дали пораката на Зеленски требало да се емитува во живо или порано да се снима.
Ова малку необично барање не е изненадувачки во однос на украинската политика. Киев постојано се обидуваше да ги искористи големите светски настани, без разлика на нивната содржина, за да го привлече вниманието на војната во Украина.
Зеленски се појави преку видеоврска во неколку ситуации, од самитот на Г20 до „Греми“ и Канскиот филмски фестивал.
Тој исто така разговараше со голем број новинари и познати личности, вклучувајќи ги и Шон Пен и Дејвид Летерман, пренесе „Индекс.хр“.
