40-годишен маж, осомничен дека ја убил мајка си пред да земе заложници во источниот германски град Дрезден, починал од повреди здобиени во полициска операција, соопштија властите. Полицијата соопшти дека 40-годишникот ја убил својата 62-годишна мајка рано утрото во станбена зграда во областа Прохлис во Дрезден.
Полицијата го пронашла телото на жената денеска наутро.
Полицијата соопшти дека тој подоцна зел вработен и дете како заложници во трговскиот центар Altmarkt-Galerie во центарот на Дрезден. Властите го евакуираа трговскиот центар и околните области. Заложниците се ослободени и не се повредени. Пред заложничката криза, 40-годишникот пукал во канцелариите на „Радио Дрезден“ и се обидел да ја пробие вратата.
Осомничениот се обидел да упадне во канцелариите утрото околу 8:30 часот, но не можел да помине низ вратата, изјави извршниот директор Тино Утаси за ДПА. Откако не успеал да влезе во просториите на радио станицата, пријавениот пукал кон вратата.
Таму беа екипите на утринските емисии на Радио РТЛ и Радио Дрезден.
„За среќа, вработените беа присебни, истрчаа преку другиот излез и избегаа“, рече Утаси.
