Утрински Весник
Спорт

Ф1 потврди шест спринт-трки во 2023 година

Ф1 потврди шест спринт-трки во 2023 година

Формула 1 ја официјализираше одлуката, според која од наредната сезона ќе се возат спринт-трки на шест патеки. Во изминатите две сезони, се возеа по три спринт-трки.

dobivaj vesti na viber

Следната година вакви трки ќе се одржат во Азербејџан, Австрија, Белгија, Катар, САД и Бразил.

Да потсетиме, спринт-трките се возат во сабота и се долги 100 километри. Победникот добива осум бода, кои се бројат во борбата за вкупен пласман. Второпласираниот добива седум, третопласираниот шест и така до осмата позиција.

Квалификациите за спринт-трките се одржуваат во петок.

„Мислам дека спринт-трките се вистинско освежување. Видовме многу позитивни работи во изминатите две години и затоа решивме да го удвоиме нивниот број. Ова ќе донесе уште повеќе забава за тимовите, возачите и што е најважно за публиката“, изјави Стефано Доменикали, првиот човек на Формула 1.

Следната сезона од Формула 1 ќе започне на 5.март во Бахреин.

Можете да прочитате

Верстапен победи на трката за Големата награда на Лас Вегас

Поранешниот претседател на Јапонската фудбалска федерација, Ташима, поднесе кандидатура за претседателските избори на ФИФА

Почина Владимир Секуловски, поранешен македонски репрезентативец