По шокантниот пораз во првото коло од Саудиска Арабија, Аргентина во саботата успеа да го победи Мексико со 2:0 и да се доближи до осминафиналето на Светското првенство.
По натпреварот фудбалерите на Аргентина со песна ја прославија победата во соблекувалната. Објавени се неколку видеа од соблекувалната, а на едното се гледа како најдобриот стрелец Лионел Меси го гази дресот на Мексико.
Тој потег ги налути Мексиканците, а најгласен беше боксерот Канело Алварез.
„Го видов Меси како го чисти подот со нашиот дрес и знаме. Бог нека му биде на помош ако го најдам. Исто како што јас ја почитувам Аргентина, тој треба да го почитува Мексико. Не зборувам за сите Аргентинци воопшто, туку само за ова срање што го направи Меси во соблекувалната и она што сите го видовме“, изјави Канело.
Мексиканецот многумина го сметаат за најдобриот боксер во светот надвор од тешка категорија, тој е четирикратен шампион во супер средна категорија. Во кариерата има 58 победи, два порази и две нерешени борби.
Canelo Alvarez tells God that he hopes he doesn’t catch Messi in person after he saw a video of Messi using the Mexican flag to clean the floor 👀😳 pic.twitter.com/IB72NWn23W
— Daily Loud (@DailyLoud) November 28, 2022
