Во снежното невреме кое вчера го зафати западниот дел на Њујорк две лица загинаа.
Властите соопштија дека смртните случаи биле последица на срцев удар предизвикан од прекумерен напор при чистење на снегот.
Странските медиуми објавија дека за време на викендот се очекуваат повеќе од еден метар снег.
Во округот Ири, кој го опфаќа градот Бафало, е прогласена вонредна состојба, а возењето е забрането освен во итни случаи.
Обилните снежни врнежи не се невообичаени за западниот дел на државата Њујорк, кога топлите води на Големите езера Ири и Онтарио доаѓаат во контакт со студениот воздух што доаѓа од Арктикот.
