Милиони фанови на Тејлор Свифт ја преплавија веб-страницата „Тикетмастер“ на „Лајв нејшн ентертејнмент“ во вторникот, барајќи места за нејзината прва турнеја по пет години, предизвикувајќи периодични прекини и долги чекања на интернет кои често завршуваа со разочарување.
Во вторникот наутро, страницата за продажба на билети ги информираше фановите, преку соопштение на Твитер, дека се соочува со повремени проблеми на кои компанијата итно работи да ги реши.
Подоцна, „Тикетмастер“ твитна дека имало „историски невидена побарувачка“ од милиони луѓе за турнејата на Свифт, The Eras, нејзина прва од 2018 година. Продажбата на билети за концертите на Западниот брег беше одложена за три часа.
Фановите пријавија дека чекаат во онлајн редици до осум часа, а многумина открија дека доцнат да купат билети, кои чинат помеѓу 49 и 449 долари.
