Пред стартот на Светското првенство во Катар, аргентинската јавност, повторно, очекува титула, поставувајќи притисок на својата репрезентација, која влегува на шампионатот со серија од 35 меча без пораз и се смета за еден од поголемите фаворити за трофејот. Секако, фокусот е на Лео Меси, во неговиот петти и можеби последен настап на СП и многумина го споредуваат со Диего Марадона, кој славно ги предводеше до последниот втор трофеј во 1986 година.
Серхио Агуеро, близок пријател на Меси, а во исто време и поранешен член на семејството на Марадона со бракот со неговата ќерка Џанина, вели дека споредбата никогаш не му се допаѓала и дека навивачите треба да го почитуваат и ценат двајцата како посебни големи личности во аргентинскиот фудбал.
„Никогаш не ми се допаѓаа тие споредби. Не се работи за тоа кој е поголем симбол. Двајцата имаат клучно место во историјата и место во срцата на Аргентинците. Повеќе би сакал да велиме дека како Аргентинци сме горди на тоа што ги имаме Диего и Лео, секој во својата ера најдобар на светот“, вели Агуеро.
