Фудбалерот од среден ред на Нотингем форест, Џеси Лингард проговори јавно за проблемите кои ги имал со менталното здравје додека бил фудбалер на Манчестер јунајтед, признавајќи дека се предавал на алкохолот и дека не му било пријатно што е фудбалер на „ѓаволите“ со огромните очекувања кои ги носи тоа.
„Разговарав со луѓе и само велев: ‘Да, океј,да’. Ништо не влијаеше на мене, влегуваше во едно уво, излегуваше од друго. Бев без чувства. Само сакав да седам дома и да пијам малку, за да ја снема болката. Вообичаено не го правм тоа. Но, кога сфатив дека пред спиење постојано пијам алкохол, знаев дека сум во лоша ситуација. Не беше драматично пиење, но пиев за да ја поминам неделата“, вели Лингард за „Гардијан“.
Лингард вели дека „дното“ било при 3:0 победата над Дерби во ФА купот во март 2020, кога беше исвиркуван од навивачите на Јунајтед. По ова,тој мораше да се грижи за своите браќа откако неговата мајка беше примена во ментална болница. Тој се заблагодари на Оле Гунар Солскјер и на докторот на Јунајтед кои му помогнале во тој момент.
