Стефан Богоев, ексградоначалникот на Карпош сега ќе стане и хотелиер, изјави портпаролот на ВМРО-ДПМНЕ, Наум Стоилковски.
„Имот од 7,5 илјади м2 , до езеро, купен лани, на 7ми октомври. 10 дена пред локалните избори. На име на мајката на Стефан Богоев, со намена за хотелски комплекс. Постапката е почната, фирмата е регистрирана, Стефан Богоев ќе стане хотелиер, тукушто излезе од градоначалничка функција“, рече Стоилковски во Берово.
„Најнов хотелиер од СДС, уште еден неказнет за скандали и корупции, голтар па милионер! Ова е пример зошто СДС ги предаде националните интереси, и зошто се потпишуваат договори за национален срам. За хотели и богатства. За пусти пари!“, додаде Стоилкоцски.
