Во Киев денеска ќе бидат воведени итни прекини на електричната егенргија поради новите напади на руските сили врз енергетски објекти.
Ова го соопшти генералниот директор на енергетскиот оператор YASNO, Сергиј Коваленко.
„Синоќа имаше нови напади врз енергетските капацитети на Украина“, рече Коваленко, пренесува „Униан“.
Тој додаде дека денес во Киев ќе има вонредни исклучувања во значителен обем.
Во главниот град на Украина во последните три дена се применуваа само планирани исклучувања заради стабилизација, а бројот на исклучени потрошувачи од ден на ден се намалува.
Со тоа, 904.000 потрошувачи биле исклучени од мрежата во вторникот, а 746.400 во четвртокот, јави „Интерфакс Украина“.
