Поранешниот претседател Доналд Трамп даде изјава пред своето избирачко место во Палм Бич во американската сојузна држава Флорида, каде гласаше со сопругата Меланија.
„ Мислам дека ќе имаме одлична ноќ“, рече Трамп и не одговори конкретно на прашањето дали ќе се кандидира за претседател за две години.
Тој неодамна најави дека на 15 ноември ќе даде „многу голема објава“ на својот имот Мар-а-Лаго во Флорида.
Во секој случај, и Трамп и Бајден имаат една заедничка работа: нивното влијание врз среднорочните избори е огромно. Но, се уште е прашање дали за две години повторно ќе се кандидираат.
