Кошаркарскиот клуб Реал Мадрид реши да продолжи со помошникот Хесус Чус Матео по разделбата од Пабло Ласо, но тоа не ги даде очекуваните резултати во досегашниот дел од сезоната. Особено болен за „кралевите“ беше последниот пораз од тимот на Сарагоса, со кој ривалот ја прекина серијата од шест порази.
Раководството на Реал Мадрид размислува за нов тренер, а двајцата кандидати во моментот се Андреа Тринкиери и Александар Ѓорѓевиќ.
Тринкиери го предводи Баерн Минхен и наводно со него веќе се воспоставени контакти, но исто така во опција е и поранешниот селектор на Србија, кој до неодамна го водеше Фенербахче.
Во текот на својата играчка кариера Ѓорѓевиќ го носеше дресот на Реал од 1999 до 2022 година, па познавањето на околината, дефинитивно, ќе биде негова предност пред Тринкиери.
По одличниот почеток на сезоната и освојувањето на шпанскиот Суперкуп, Реал Мадрид бележи лоши резултати, во АЦБ-лигата има пет победи и два пораза, а во Евролигата моментно е деветти, со ефект од три победи и три порази.
