Рускиот претседател Владимир Путин во четвртокот нареди еднократна исплата од 195.000 рубљи (околу 3.200 евра) за редовните припадници на армијата со договори и оние кои се платени да се борат во Украина, објави Кремљ.
Москва минатата недела објави дека е завршена „делумната мобилизација“ на 300.000 резервисти, но призна дека имало потешкотии.
Во наредбата објавена на веб-страницата на Кремљ, Путин рече дека целта на исплатата е „да се обезбедат дополнителни мерки за социјална поддршка“ на припадниците на редовните вооружени сили со договори и регрути. Не беа дадени повеќе детали.
Минималната месечна плата за војниците со договор е 160.000 рубљи (околу 2.600 евра), што е речиси три пати повеќе од просечната плата во Русија,пренесуваат медиумите.
