На светот му треба руско жито и ѓубриво, договорот за храна треба да се продолжи, изјави турскиот министер за надворешни работи Мевлут Чавушоглу на заедничката прес-конференција со генералниот секретар на НАТО, Јенс Столтенберг.
-Морам да забележам дека рускиот лидер покажа продуктивен пристап кон прашањето за обновување на договорот за храна. Јас, од моја страна, разговарав со министрите за надворешни работи на Русија и Украина, Сергеј Лавров и Дмитриј Кулеба. За некое време овој договор ќе истече. Русија сака да ги исполни ветувањата што ги даде при потпишувањето на договорот, има одредени позитивни движења во таа насока. На светот му требаат руско жито и ѓубриво, а за тоа е неопходно да се продолжи со работата на овој механизам – рече Чавушоглу на заедничката прес-конференција со генералниот секретар на НАТО Јенс Столтенберг во Истанбул.
Столтенберг од своја страна го поздрави продолжувањето на договорот за храна и се заблагодари на Турција за напорите во оваа насока.
– Благодарен сум на Турција и лично на претседателот Ердоган за преговорите за безбеден транспорт на украинско жито преку Црното Море, што ја ублажува ситуацијата со глобалната прехранбена криза. Го поздравувам продолжувањето на договорот за храна и напорите на Турција да ја одржи оваа рута – нагласи тој.
Тој исто така нагласи дека е важно да се обезбеди продолжување на иницијативата за извоз на жито и по крајот на 18 ноември,пренесе Новости.рс.
