Британското Министерство за одбрана објави нов разузнавачки извештај во врска со војната во Украина.
Во него, разузнавачките службеници потсетуваат дека рускиот магнат Евгениј Пригожин очигледно на интернет признал дека неговата приватна воена компанија, Вагнер груп, ги променила своите стандарди и регрутирала руски осуденици кои страдаат од сериозни болести, вклучително и ХИВ и хепатитис Ц.
„Улогата на групата Вагнер значително еволуираше по руската инвазија на Украина. Таа одржуваше релативно високи стандарди за регрутирање во претходните конфликти, а многу нејзини војници претходно служеа како професионални руски војници. Приемот на затвореници со сериозни здравствени проблеми го прикажува пристапот кој сега дава приоритет на бројките во споредба со искуството или квалитетот“, се вели во извештајот.
Latest Defence Intelligence update on the situation in Ukraine – 30 October 2022
Find out more about the UK government’s response: https://t.co/NnbL0SZv8W
🇺🇦 #StandWithUkraine 🇺🇦 pic.twitter.com/pVG0B0CJXK
— Ministry of Defence 🇬🇧 (@DefenceHQ) October 30, 2022
Се додава дека Пригожин, познат и како готвачот на Путин, неодамна разговарал за плановите за создавање на одбранбена „Вагнерова линија“ долга 200 километри во источна Украина.
„ За овој зафат би била потребна голема работна сила. Постои реална можност некој од новообвинетите првично да биде ангажиран во изградбата на одбраната“, велат разузнавачите.
