Постојано расте бројот на загинати луѓе во стампедото што се случи вечерва за време на Ноќта на вештерките во Сеул. Според последните податоци, загинале најмалку 146 луѓе, а преку 150 се повредени.
Не е позната причината зошто се случило стампедото. Властите соопштија дека ја истражуваат точната причина за трагедијата во Сеул.
Breaking: At least 50 injured after stampede during a Halloween party in the Itaewon area of Seoul, South Korea.
Warning- Graphic video:
pic.twitter.com/VqbR3fxZV6— PM Breaking News (@PMBreakingNews) October 29, 2022
Инцидентот се случил околу 22:20 часот по локално време (13:20 по Гринич), откако голем број луѓе се нашле во тесна уличка за време на прославата на Ноќта на вештерките, изјави за новинската агенција „Ројтерс“, Чои Сунг-беом, началник на противпожарната станица Јонгсан.
Според информациите, на местото имало над 100.000 луѓе.
На снимките од местото на настанот се гледаат вреќи со тела на улиците, здравствените работници ги реанимираат луѓето и спасувачите се обидуваат да ги извлечат луѓето заробени под други луѓе, пишува Би-Би-Си.
Претседателот Јон Сук-Јол претседаваше со итен состанок со високи функционери и нареди тимови за итна медицинска помош во областа, соопшти неговиот кабинет.
