Кристијан Ериксен преживеа срцев удар на натпреварот меѓу Данска и Финска на минатогодишното Европско првенство, а потоа му беше поставен дефибрилатор. Правилата во Италија го спречија да продолжи да игра за Интер, па мораше да го раскине договорот и да се пресели во Премиерлигата, откако се опорави и доби дозвола повторно да игра фудбал.
Сепак, Интер не остана без обештетување за несреќата поради која остана без одличен играч за врска. УЕФА му исплатила 3 милиони евра на италијанскиот клуб.
Ериксен пристигна во Интер од Тотенхем во јануари 2020 година за 27 милиони евра и собра 60 настапи во сите натпреварувања и го освои Купот на Италија. На фудбалот му се врати во Брентфорд, со кого по заминувањето од Интер потпиша шестмесечен договор, а летово како слободен играч потпиша тригодишен договор со Манчестер Јунајтед.
