Комисијата за односи со верските заедници и религиозни групи во соработка со Планинарскиот клуб Јелак и Македонската православна црква по петти јубилеен пат ќе ја одржи планинарско-рекреативната акција „Милениумска патека“ поставена во 2018 година во чест на јубилејот 1000 години од формирањето на Охридската архиепископија.
Планинарската рута се одвива по лесна стаза прилагодена за различни возрасти, по падините на Сува Гора која изобилува со природни убавини и богато културно наследство сочинето од археолошки пронајдоци на ранохристијански базилики и средновековни цркви и манастири значајни за македонската културна и духовна ризница.
Секој кој сака да земе учество е добредојден и треба да се пријави во ПК Јелак, а повеќе детали може да се најдат на фејсбук.
