Украинскиот претседател Володимир Зеленски денеска ја официјализираше одлуката на Украинскиот Совет за безбедност и Советот за одбрана за санкционирање на сопругата и ќерката на рускиот министер за надворешни работи Сергеј Лавров.
Според документот објавен на веб-страницата на претседателот на Украина, Марија Александровна Лаврова (родена во 1950 година) и Екатерина Сергеевна Винокурова (поранешна Лаврова, родена 1983 година) се санкционирани на 10 години, пренесе ТАС.
Мерките вклучуваат рестриктивни мерки како конфискација на имот и забрана за купување земјиште.
Санкции беа изречени и за зетот на Лавров, Александар Винокуров (роден 1982 година).
Зеленски досега воведе санкции за 2.507 физички лица и 1.374 субјекти од Русија, Белорусија и некои други земји.
На 9 јуни, Зеленски воведе санкции и за неговиот руски колега Владимир Путин и други високи функционери од Русија, вклучително и Лавров,пренесе Блиц.рс.