„Арсовска да си поднесе оставка бидејќи е неспособна и ги измами гласачите. Арсовска да си поднесе оставка затоа што ги измами гласачите и свесно го уништува Скопје. Арсовска да си поднесе оставка затоа што покажува неспособност“, се вели во соопштението од опозициската ВМРО-ДПМНЕ.
Од таму велат „Арсовска да си поднесе оставка зашто во криза парите на скопјани ги троши на анкети. Додека Градот му должи 1 милион евра на ЈП ‘Улици и патишта’, Арсовска фрла десетици илјади евра на себепромоција платена со парите на скопјани“.
„Арсовска да си поднесе оставка бидејќи молчи за долгот на Клинички центар кон ЈП ‘Водовод и канализација’ – Скопје, во висина од 2 милиона евра, само поради коалицијата што ја има со СДС. Еден месец по разидинувањето на ВМРО-ДПМНЕ со Арсовска, Градот е пред банкрот, гледаме матни зделки на Арсовска и директорите поставени од неа, а предлог на СДС. Арсовска да си поднесе оставка зашто нема кредибилитет. Таа ги напушти програмата и ветувањата со кои дојде на власт и е на пат да стане полош градоначалник и од Петре Шилегов“, велат од партијата.