Лидерот на Херсон денеска изјави дека властите почнале да евакуираат цивили поради украинската контраофанзива и дека на цивилите им е забранет влезот во регионот седум дена.
Гувернерот Владимир Салдо рече дека регионот има ресурси да го задржи градот Херсон и дека одлуката е донесена за да се чуваат цивилите безбедни.
Салдо рече дека властите планираат да евакуираат од 50.000 до 60.000 луѓе во следните шест дена бидејќи се зголемува притисокот од украинската контраофанзива.
Властите префрлаат цивили на левиот брег на Днепар за да бидат безбедни и за да може армијата „одлучно да дејствува, вели тој.
Околу 10.000 луѓе дневно ќе бидат префрлени во следните шест дена и некои региони во Русија се подготвуваат да ги примат.
Повеќе од 5.000 луѓе веќе го напуштиле Херсон во последните два дена, рече тој.