Женската одбојкарска репрезентација на Италија го освоија бронзениот медал на Светското првенство во Холандија и Полска. Тие во мечот за третото место ги совладаа Соединетите Американски Држави во три сета. Резултатот по сетови беше 25:20, 25:15 и 27:25.
Италијанките не им дозволија на ривалките сериозно да им се заканат во првите два сета, а само во третиот сет Американците покажаа заби, но тоа не беше доволно за да внесат неизвесност во „малото финале“.
Најдобра во победничкиот тим уште еднаш беше Паола Егону со 25 поени, додека кај Американките со 10 поени се истакна Андреа Друс.
Во финалето се среќаваат Србија и Бразил со почеток од 20 часот, а Србинките имаат можност да го одбранат светскиот трон.
