Кваси Квартенг, министерот за финансии на Велика Британија, беше разрешен во моментот кога премиерката Лиз Трус требаше да го „преврти“ мини-буџетот, јавуваат локалните медиуми.
Оваа информација ја потврдува и самиот Квартенг на Твитер.
— Kwasi Kwarteng (@KwasiKwarteng) October 14, 2022
Според анализите, британскиот финансиски пазар е под притисок од 23 септември кога Квартенг најави намалување на даноците за 45 милијарди фунти (50 милијарди долари), без да прецизира како тоа ќе биде платено.
Институтот за фискални студии соопшти дека стратегијата бара намалување на трошоците или зголемување на даноците за 62 милијарди фунти за да се запре растот на јавниот долг, застрашувачки предлог по повеќе од 10 години заострување на државните трошоци.
